ტელ: (995 32) 14 44 47

ბახტრიონის ქ. 10ა, 0171 თბილისი

GEO  ENG

ქალთა და ბავშვთა დაცვის კავშირის და სამედიცინო ცენტრ ნეოკლინიკის ლაბორატორიები აღჭურვილია თანამედროვე სტანდარტების შესაბამისად, სადაც მუშაობენ მაღალკვალიფიციური ლაბორანტები, რომელთაც გავლილი აქვთ სტაჟირება აშშ-ის და საფრანგეთის წამყვან სამედიცინო ცენტრებსა და ლაბორატორიებში.

ფუნქციონირებს შემდეგი ლაბორატორიები:

კლინიკური დიაგნოსტიკისა და ბიოქიმიური ლაბორატორია, სადაც ტარდება სისხლის საერთო ანალიზი, ბიოქიმიური გამოკვლევები და შარდის ანალიზი.

სეროლოგიური ლაბორატორია, სადაც მიმდინარეობს დიაგნოსტიკა სწრაფი / მარტივი ტესტებით, იმუნოფერმენტული (ELISA) და იმუნობლოტინგის მეთოდებით.

მოლეკულური დიაგნოსტიკის ლაბორატორია, სადაც მიმდინარეობს სხვადასხვა ინფექციების დიაგნოსტიკა პოლიმერიზაციის ჯაჭვური რეაქციით (PCR), C ჰეპატიტის ვირუსის და ადამიანის პაპილომავირუსის გენოტიპირება.

მორფოლოგიური ლაბორატორია, სადაც მიმდინარეობს დიაგნოსტიკა ციტოლოგიური (პაპ-ტესტი, ქრომოგენული in situ ჰიბრიდიზაცია), ფლუორესცენტული (იმუნოფლუორესცენცია, ფლუორესცენტული in situ ჰიბრიდიზაცია), ჰისტოლოგიური (რუტინული, იმუნოჰისტოქიმია) მეთოდებით.